Cormac McCarthy har alltid skrive gode dialogar, og han har alltid hatt eit godt øyre for korleis folk snakkar. Slik sett er det ikkje uventa at han skreiv nokre skodespel. Det er litt meir uventa at skodespelet berre fungerer sånn middels.
Det handlar om familien Telfair. Handlinga går føre seg i ein treårsperiode, med fleire tilbakeblikk. Hovudpersonen er Ben, ein mann i trettiåra. Han braut av universitetsstudia sine for å arbeida i familieverksemda, der dei driv med steinhogging. Den viktigaste grunnen ser ut til å vera at han er uvanleg nært knytt til bestefaren som grunnla verksemda. Han har hatt eit langt liv, og meiner at det er gjennom arbeidet at me viser kven me er.
Ein grunn til at skodespelet ikkje tek heilt av er truleg at me møter altfor mange personar. Det er ikkje rom nok til at me vert godt kjende med mange av dei. Nevøen til Ben, Soldier, rømmer til dømes heimefrå og går til grunne i eit liv med narkotika og kriminalitet. Han skulle me gjerne høyrt meir om, om ikkje anna så for å få stadfesta inntrykket av at han flyktar av di han ikkje vil vera bunden til familieverksemda.
Guffen kan ikkje tilrå dette.
Meir McCarthy på kulturguffebloggen
The Orchard Keeper (1965)
Outer Dark (1968)
Child of God (1973)
Suttree (1979)
Blood Meridian (1985)
All the Pretty Horses (1992)
The Crossing (1994)
Cities of the Plain (1998)
No Country for Old Men (2005)
The Road (2006)
The Sunset Limited (2006)
No Country for Old Men (film, 2007)
The Road (film, 2009)
The Passenger (2022)
Stella Maris (2022)
Ingen kommentarer:
Legg inn en kommentar