3. august 2018

Paul Auster: Timbuktu (1999)

Romanen Mr. Vertigo kom i 1994. Dei neste åra arbeidde Auster mykje med film - han skreiv manus til Smoke, han var vel med som regissør av Blue in the Face, og skreiv og regisserte Lulu on the Bridge. I 1999 vende han tilbake til romanformatet, og gav ut denne romanen. Det var den veikaste romanen hans så langt, og eg var på nippet til å gje opp Auster då han kom ut.

Hovudpersonen, eller hovuddyret, er hunden Mr. Bones. Grovt sett går hunden gjennom fem fasar i boka: Han er fyrst saman med eigaren sin, Willy, ein heimlaus kar som syng på siste verset. Etter at Willy døyr spring Mr. Bones vekk. Han bur ei kort tid i ei pappøskje, der ein gut som ikkje får lov til å ha husdyr gøymer han. Så kjem han til ein familie som er vellukka på utsida, men der mora ikkje toler faren. Når dei skal på ferie plasserer dei Mr. Bones på eit hundepensjonat, og han rømmer derfrå. Då boka sluttar er han klar for ein sjølvmordsleik på tvers av ein sterkt trafikkert motorveg.

Boka er ikkje stort meir fengande enn referatet over. Det verkar som om Auster tenkte at det var ein god idé å skriva ein roman med ein hund som forteljar. Nokon burde ha fortalt han at det kunne ha fungert, men at det må vera meir ved ei bok enn at ho har ein litt uvanleg skapning i sentrum. Det er livlaust og engasjerande, og det heile fungerer svært, svært dårleg.

Guffen kan ikkje tilrå dette.

Meir Auster på kulturguffebloggen
The Invention of Solitude (1982)
The New York Trilogy (1987)
In the Country of Last Things (1987)
Moon Palace (1989)
The Music of Change (1990)
Leviathan (1992)
Mr. Vertigo (1994)
Smoke (film, 1995)
The Book of Illusions (2002)
Auster, Karasik og Mazzucchelli: City of Glass (teikneserie, 2004)
The Inner Life of Martin Frost (2007)
Invisible (2009)
Sunset Park (2010)
Winter Journal (2012)
Paul Auster og Siri Hustvedt (Bergen 2.2.13)
Auster and Coetzee: Here and Now (2013)
Report from the Interior (2013)
4 3 2 1 (2017)

Ingen kommentarer:

Legg inn en kommentar