24. september 2016

Peter Zuckerman og Amanda Padoan: Buried in the Sky (2012)

I 2008 døydde elleve klatrarar på veg ned frå K2, det nest høgaste fjellet i verda. Grunnane var fleire. Han som skulle organisera tilrettelegginga av toppturen frå den siste leiren vart sjuk og måtte snu, slik at hjelparane som skulle setja ut tau ikkje hadde nokon tolk som kunne sikra at alle visste kva som skulle skje. Dei tok med seg for lite tau, og tok i tillegg til med å festa tau tidlegare enn det farlegaste partiet. Det gjorde at alle vart forseinka, slik at turen ned vart gjennomført om natta. I det farlegaste partiet gjekk det eit ras som gjorde at det faste tauet slitna, slik at den einaste trygge vegen ned att til leiren ikkje var så trygg lengre.

Nokre av dei som var der oppe greidde seg utan varige fysiske mein, andre vart skada, nokre greidde seg ikkje i det heile. Det er ei fantastisk historie, som viser korleis ein ikkje tenkjer klart i så stor høgde, og der nokre likevel greier å ta omsyn til andre, og ikkje berre tenkja på seg sjølv.

Hovudpersonane i boka er sherpaene. Det er, så vidt eg kan minnast, det einaste som skil boka frå den langt betre No Way Down, som handlar om den same hendinga. Det er ei prisverdig vinkling, men pregar mest opninga og slutten av boka. Kapitla om turen til topps må nødvendigvis vera relativt like. For meg vart det altså mykje repetisjon.

Guffen tilrår.

Meir om fjell på kulturguffebloggen
Alf B. Bryn: Tinder og banditter (1943)
Tryggve B. Steen: Jo Gjende og hans samtid (1959)
Arvid Møller: Gjendine (1976)
Arvid Møller: Jotunkongen (1981)
Arvid Møller: Fjellfører i Jotunheimen (1982)
Vera Henriksen (red.): Spiterstulen gjennom 150 år (1986)
Joe Simpson: Touching the Void (1988)
Jon Krakauer: Eiger Dreams (1990)
Jon Gangdal: Til topps på Mount Everest (1996)
Jon Krakauer: Into thin Air (1997)
Reinhold Messner: All 14 Eight-Thousanders (1999)
Greg Child: Over the Edge (2002)
Per Roger Lauritzen og Johan Christian Frøstrup: Fjellpionerer (2007)
Eivind Eidslott og Jørn H. Moen: Besseggen (2008)
Graham Bowley: No Way Down (2010)
Jarle Trå: Livet i fjella (2010)
Arne Larsen: Storen (2014)
Alex Honnold og David Roberts: Alone on the wall (2015)
Mark Horrell: Seven Steps from Snowdon to Everest (2015)
Sigri Sandberg: Frykt og jubel i Jotunheimen (2015)

1 kommentar:

  1. Skal si du har lest og blogget om mange fjell-bøker. Når flere bøker beskriver den samme klatreturen blir mye likt, men det er ofte artig å se hvordan hendelser kan oppleves forskjellig for de involverte.
    Livet i fjella har jeg også lest, og Grønnerøes bok Fjellet kaller, som samme ekspedisjon.

    SvarSlett