Mongoland (2001)

Denne filmen skårar stort på sjarmen. Han handlar om ein førjulsfest i Stavanger, der fleire par finn ut av problema sine. Han eine har ikkje takla at ho eine reiste utanlands i eit halvt år, og slit så mykje med nerver at han ikkje vågar å reisa på festen. Han andre har hatt kjærast i to veker, men er så redd for sin eigen kropp at det ikkje vert noko på han (eller ho). Ho tredje, som er vert for festen, likar han tredje, men greier ikkje å få nok kontakt med han.

Det kan altså minna om ein typisk ungdomsfilm, men han skårar altså stort på sjarmen. Det gjeld både sjølve filmen, som heilt tydeleg er laga på eit relativt stramt budsjett, men det ligg òg mykje sjarm i detaljane. Terje Torkildsen er glimrande som ein drosjesjåfør som dukkar opp eit par-tre gonger i filmen. Han som går rundt på festen og slår han andre i hovudet med eit plast-balltre er òg ein gladkar, som viser seg såpass sjeldan at han ikkje når å verta irriterande.

Guffen tilrår.